Паводле Пуціна, Расея гатовая завяршыць канфлікт на ўмовах, названых у ягоным леташнім выступленьні ў Міністэрстве замежных справаў. Там ішлося пра вывад украінскіх войскаў з чатырох вобласьцяў Украіны, на анэксію якіх прэтэндуе Расея.
Адказваючы на пытаньне карэспандэнта NBC пра адносіны з прэзыдэнтам ЗША Дональдам Трампам і пра тое, ці гатовы Пуцін узяць на сябе адказнасьць за гібель людзей налета, калі мірнае пагадненьне, якое прапануюць ЗША, ня будзе заключана, расейскі кіраўнік усклаў адказнасьць за вайну на Ўкраіну. Ён заявіў, што на сустрэчы з Трампам у жніўні на Алясцы Расея «пайшла на пэўныя кампрамісы» (якія менавіта, Пуцін не сказаў). Цяпер, паводле Пуціна, «мяч на баку Кіева і яго эўрапейскіх спонсараў».
Форум