«У нас адна апора нашага сувэрэнітэту — гэта блізкі нам народ, расейцы. Калі б не было Расеі і Кітая, нам складана было б. У Эўропе газ па 500 даляраў, а ў нас — 120 даляраў», — заявіў Лукашэнка.
Разьмяшчэньне «Арэшніка» ў Беларусі ён назваў «захадам стратэгічнага стрымліваньня». Перад тым ён сказаў, што ў выпадку пагрозы спачатку рэагуе Беларусь, а затым падключаецца хаўрусьнік — Расея.
Ён адзначыў, што сьвет заўсёды быў такім — моцных паважаюць, таму «трэба быць моцнымі».
Нейкіх пацьверджаньняў заяве, акрамя словаў самога Лукашэнкі, няма. Раней ён сам і ягоны хаўрусьнік Расея неаднойчы пагражалі Эўропе разьмясьціць комплекс на беларускай тэрыторыі.
Свабода раней падавала магчымае месца разьмяшчэньня расейскага балістычнага ракетнага комплексу. Яно месьціцца на поўдзень ад Менску ў Слуцкім раёне каля вёскі Паўлаўка. Будаўніцтва вайсковага аб’екту там вялося ў поўнай таямніцы, і гэта, разам з іншымі чыньнікамі, стала падставай так думаць.
Дэталі расьсьледаваньня магчымага месца разьмяшчэньня «Арэшніку» ў Беларусі можна прачытаць у поўным тэксьце.
Форум